НЛБ Тутунска банка во период од први јануари до 31-ви март оваа година оствари добивка од 361.690.000 денари, покажува билансот на успех објавен на Македонска берза.
Првото тримесечје од минатата година, банката прикажа добивка од 230.667.000 денари, што е за 56,8% повеќе во однос на првите три месеци од 2016 година.
“Во првото тримесечје од 2016 година, нето каматните приходи се повисоки за 18,2% споредено со истиот период од претходната година. Приходите од камати се повисоки за 5,9% како резултат на зголемената продажба на кредити на население и на приватни претпријатија споредено со првиот квартал од 2015 година при значително намалени каматни стапки во однос на минатата година, како и поради повисока состојба на пласирани слободни средства во благајнички записи“, стои во Коментарот на билансот на успех.
Расходите по камати, како што се наведува, се пониски за 21,1% како резултат на пониските каматни стапки на депозитите и пониска состојба на обврските по кредити.
Нето приходите од провизии се зголемени за 4%. Приходите од провизии се зголемени за 9,3% поради повисоки остварени приходи од реализиран платен промет во земјата и во странство, поради повисоки приходи од услуги во електронско банкарство, од лично банкарство, од зголемен промет и број на трансакции со картички и на ПОС терминалите на банката и поради зголемен број на иматели на сметки во банката.
Вкупните приходи од работење изнесуваат 960.857.000 денари и се повисоки за 8,5%.
