Новите субвенции што ги најавува српската влада за наредните две години не се единствениот мотив за доаѓање на странските инвеститори во оваа земја. Србија е се поотворена кон оние кои сакаат да работат таму, но не ги користи доволно своите потенцијали, пишува Вечерње Новости.
Според експертите, Србија треба да ги искористи адутите што ги има – поевтина, но образована работна сила, добра географска положба, слободен пристап до бројни пазари. Адути што треба да ги искористи Србија се и големите проекти како Белград на вода, термоелектраните, складиштето за резерви на нафта во Панчаво, потоапроектот за изградба на мали хидроцентрали и Ѓердап и Бистрица. Сектори во кои може да се привлече капитал, странски и домашен, се аграрот, ИТ индустријата и телекомуникациите. Уште една област која може да биде интересна за странските инвеститори е издрадбата на коридори и модернизација на железничките пруги.
Како што пишува Новости, анкетата спроведена меѓу странските инвеститори покажала дека дури 96% од нив не жалат поради одлуката да инвестираат во оваа земја.
