Вредноста на еврото во однос на доларот денес се искачи на највисоко ниво во последните четири години, покажуваат актуелните податоци од берзата Форекс.
Еврото порасна за 0,37 проценти на 1,18052 долари во 12:10 часот, што е највисоко од септември 2021 година.
Спокојството на инвеститорите во Еврозоната и Германија е подобро од очекуваното, а американскиот долар ослабе пред очекуваното намалување на каматните стапки од страна на Федералните резерви, пишува Танјуг.
Пазарите широко прогнозираат дека американската централна банка ќе ги намали каматните стапки за најмалку 25 базични поени оваа недела, бидејќи е принудена да балансира помеѓу послаб пазар на трудот и инфлаторни притисоци.
Претседателот на САД, Доналд Трамп, вчера ги повика Федералните резерви значително да ги намалат каматните стапки на претстојниот состанок за монетарната политика на 16 и 17 септември, објавија медиумите.
Фото: Pixabay