Цените на акциите паднаа на европските берзи во средата наутро, бидејќи инвеститорите стравуваат дека поради зголемената инфлација, Европската централна банка може дополнително да ги зголеми каматните стапки оваа недела.
Индексот STOXX 600 на водечките европски акции беше во минус од 0,3 отсто во 9:30 часот.
Утринава лондонскиот FTSE индекс загуби 0,11 отсто, на 7.519 поени, додека франкфуртски DAX се лизна за 0,25 отсто, на 15.676 поени, а париски CAC 0,24 отсто, на 7.235 поени.
Индексите се под притисок поради стравувањата на инвеститорите дека Европската централна банка (ЕЦБ) во четврток повторно ќе ги зголеми каматните стапки, 10-ти пат по ред.
Медиумите, имено, наведуваат дека извори од ЕЦБ велат дека инфлацијата во еврозоната и следната година би можела да остане над 3 отсто.
