Според Државниот завод за статистика прометот во македонската индустрија во октомври 2012 година, во однос на истиот месец минатата година бележи намалување од 20.9%.
Индексот на прометот во индустријата остварен на домашниот пазар во месец октомври бележи опаѓање на годишно ниво од 25.8%, а индексот на прометот остварен на странските пазари бележи опаѓање од 17.5%.
Споредено по сектори кај прометот во индустријата во секторот Рударство и вадење на камен забележан е пораст од 50.9%, а во секторот Преработувачка индустрија е забележано опаѓање од 24.3%.
Според главните индустриски групи, прометот бележи опаѓање кај Енергија за 98.1%, Интермедијарни производи, (освен енергија) за 3.4%, Капитални производи за 4.2%, Tрајни производи за широка потрошувачка за 19.6% и Нетрајни производи за широка потрошувачка за 1.9%.
Индексот на прометот во индустријата во октомври, во однос на септември бележи пораст од 5.4%, додека во периодот јануари-октомври 2012 година, во однос на истиот период лани, бележи опаѓање 14.6%.
