Илон Маск е трет на листата најбогати луѓе во светот. Состојбата на Маск се смени на полошо во услови на пад на вредноста на акциите на компанијата Tesla, објави Bloomberg.
Како што се наведува, богатството на Маск дојде на 160,6 милијарди долари. Така, Бернар Арно, извршниот директор на францускиот конгломерат LVMH, со богатство од 161 милијарда долари, го надмина во битката за второто место. Првата позиција на списокот ја држи шефот на Amazon, Џеф Безос, со 190 милијарди долари.
Се нагласува дека состојбата на Маск опаѓа во услови на пад на акциите во производителот на електрични автомобили Tesla. Според пресметките, капитализацијата на компанијата опадна за речиси 20% последниве два месеци поради недостатокот на залихи на полупроводници, како и на силната конкуренција на производителите на автомобили што штедат гориво.
Маск во јануари годинава првпат се искачи на врвот на рангирањето на милијардерите на Bloomberg, бидејќи акциите на Тesla се зголемија за над 750% во тековната годината. Во тоа време, богатството на претприемачот се проценуваше на 184 милијарди долари, а подоцна се искачи и на 190 милијарди. На крајот на февруари, тој падна на второто место на листата, веднаш зад Безос.
Фото: Facebook
