Холандскиот производител на медицинска опрема и производи за лична нега Philips ќе отпушти 4.000 работници поради загубите со кои се соочува поради повлекувањето на неисправните респиратори, соопшти компанијата.
Поради осигурување на средства поради повлекување во износ од 1,3 милијарди евра, компанијата оствари нето загуба во истиот износ.
Веќе извесно време, Philips се занимава со отповикување на неисправни уреди за дишење кои ги изложуваат корисниците со апнеја на опасноста од вдишување токсична пена додека спијат. Поради неисправни респиратори, Philips веќе издвои 900 милиони евра, а пред две недели објавувајќи ги кварталните деловни резултати најави резервација на дополнителни средства во износ од 1,3 милијарди евра.
Извршниот директор на Philips, Рој Џејкобс, рече дека негов приоритет е да ја врати довербата на пациентите, потрошувачите и клиентите, како и на акционерите и другите засегнати страни. Како што објасни тој, Philips ќе ги удвои безбедноста на пациентите и управувањето со квалитетот, ќе ги подобри операциите на синџирот на снабдување за подобро да ги исполни нарачките и ќе ги преструктуира операциите за да ја подобри продуктивноста, пренесува француската новинска агенција АФП, Seebiz.
„Тоа вклучува тешка, но неопходна одлука веднаш да се намали бројот на вработени за приближно 4.000 работни места во светот“, рече директорот на оваа компанија.
Philips моментално вработува речиси 80.000 луѓе во 100 земји.
„Овие првични чекори се неопходни за да започне трансформацијата на компанијата за да се искористи потенцијалот на Philips за профитабилен раст и да се создаде вредност за сите наши засегнати страни“, нагласи Јакобс.
Фото: Pixabay
