По турбулентната 2020, доаѓаат подобри денови за работниците во авио – индустријата

19

За време на кризата во 2020 година, имаше многу пресврти во авио – индустријата, а последиците ги почувствуваа не само компаниите, туку и нивните вработени.

Имено, поради мерките за карантин, летовите беа драстично намалени или воопшто не постоеја, и сите тие дополнително беа погодени од националните блокади што ги воведоа земјите, со цел да се спречи масовен одлив / прилив на луѓе.

Сега стјуардесите повторно се бараат, компаниите ги обновуваат своите флоти, лансираат нови линии (дестинации), а пилотите ги враќаат старите плати – оние од 2019 година и порано.

Добар дел од авијатичарите мораа да бараат нова работа во 2020 година, бидејќи немаше работа во воздухопловната индустрија, но сега повторно уживаат во стариот статус. Привремено намалувањето на платите полека се укинува, што не е само одлична вест за овие експерти, туку и знак за закрепнување на индустријата, но и на планетата од последиците од Ковид-19.

Компаниите повторно нудат огласи за работа, каде што бараат пилоти и кабински екипаж, а тие бројки значат стотици нови работници до крајот на годината. И покрај кризата, некои авијациски гиганти ја искористија ситуацијата за да ги прошират своите бази и да го подобрат својот бизнис.