Почнува манифестацијата Смоквијада 2012

15

Во организација на здружението на граѓани ТеРа од Гевгелија по шести пат ќе се одржи манифестацијата на традиционално готвење слатко од зрели смокви Смоквијада 2012.

Манифестацијата ќе биде составена од два дела – натпреварувачки и саемски дел. Во натпреварувачкиот дел ќе учествуваат 12 екипи, а годинава воведени се две нови категории: најдобар производ од смокви и најдобар десерт подготвен од професионални готвачи.

Во саемскиот дел најавено е учество на ограноци на Слоу Фуд од Македонија, како и претставници со локални еколошки производи од Турција, Србија и Бугарија. Свој изложбен простор ќе имаат и преработувачките капацитети на овошје и зеленчук од Гевгелија.