Повеќе од 100 компании од ЕУ сè уште работат во Русија

23

Повеќе од 100 компании од земјите на Европската унија (ЕУ) продолжуваат да работат во Русија речиси четири месеци откако инвазијата на Украина предизвика меѓународни санкции против Москва, покажа студијата на Универзитетот Јеил.

Според податоците, 116 компании од ЕУ сочинуваат речиси половина од 247 мултинационални компании кои сè уште работат во Русија, и покрај зголемениот притисок на јавноста да се казни режимот на претседателот Владимир Путин за нападот, според студијата предводена од Џефри Соненфелд.

Студијата уследи по извештајот на руската државна тинк-тенк, која минатата недела соопшти дека повеќе од половина од 5.000 странски компании во земјата не објавиле никакви ограничувања за нивниот локален бизнис и продолжиле да вработуваат 2 милиони луѓе. Според студијата, само 90 компании, главно во консултантски и ИТ сектори, ги ликвидирале своите бизниси и ги преселиле вработените во други земји.