На самиот праг на месецот на празничната магија, италијанскиот бренд за производи за уредување на домот, Coincasa, ја претстави својата Новогодишна и Божиќна колекција со посебна линија аксесоари што изобилува со стилски, луксузни, уникатни и гламурозни декоративни елементи. Во потрага по најсоодветни мотиви што дополнително ќе ја збогатат празничната и топла атмосфера во домот, најновиот тренд на Coincasa предлага производи што не се карактеризираат со конвенционалните божиќни и новогодишни симболи, што овозможува истите декорации да се користат во текот на целата зимска сезона. Виртуозите за внатрешно уредување, празничната атмосфера ја доловуваат преку главната одлика, Елеганција, посветена на прославата и специјалните пригоди. За таа цел се избрани теми инспирирани од планините, планинските куќички и шумата, кои ја зголемуваат топлината и интимноста на домот во зимскиот пејсаж.
Италијанскиот бренд секогаш на купувачите им го нуди само најдоброто и се грижи нивните домови да изгледаат совршено и да бидат во склад со секоја празнична пригода.
