Проблемите со чипови за автомобилската индустрија ќе продолжат во февруари

17

Проблемите на производителите во автомобилската индустрија предизвикани од недостаток на полупроводнички компјутерски чипови ќе продолжат и во февруари. Volkswagen беше принуден да го скрати работното време за неколку дена во јануари, а тоа ќе го стори во февруари во нејзината матична фабрика во Волфсбург и другите помали фабрики, каде сака да избегне поголеми проблеми.

Daimler исто така целосно го запре производството во Унгарија на 20 јануари и нема да го рестартира до 30 јануари.

Како што е соопштено,Volkswagen планира да го намали обемот на работа во февруари во фабриките Касел и Брансвик, каде што произведува делови за своите автомобили. Ова треба да биде чекор на претпазливост, бидејќи тие не сакаат целосно да го парализираат понатамошното производство на автомобили во случај на влошување на ситуацијата.
Нема да има забавување на производството во фабриката во Емден, каде се произведува електричен ID.3.

Инаку германскиот министер за економија, Питер Алтмаер во неделата побара од тајванскиот колега Ван Меи-ху да разговара за ова прашање со најголемиот светски производител на чипови и еден од главните добавувачи на Германија, Taiwan Semiconductor Manufacturingom.

Целта е да се обезбедат дополнителни капацитети и испораки на полупроводници на краток и среден рок, рече Алтмаер. Германската автомобилска индустрија веќе зборуваше директно со TSMC за дополнителни испораки и TSMC испрати многу конструктивни сигнали дека проблемот може да се реши, додаде германскиот министер.

За да се намали зависноста од азиските добавувачи и да се избегнат слични проблеми во иднина, Берлин планира да ја зголеми државната помош за да го поттикне зголемување на капацитетите за производство на полупроводници во Германија и Европа.

Фото: Freepik