На предлог на Развојната банка на Северна Македонија, Владата ја разгледа Информацијата за потребата за продолжување на рокот на отплата кај кредитите од Посебниот кредитен фонд (ПКФ)-Ковид 1, односно од Фондот за Енергетска ефикасност чии средства се пласираат под условите на ПКФ и го задолжи Министерството за финансии да склучи Анекс кон Договорот за администрирање на посебниот кредитен фонд (ПКФ) бр.21-307/1 од 24.01.2011 година со којшто ќе се овозможи, на барање на крајните корисници да може да одобрува продолжување на грејс периодот не повеќе од три месеци, како и соодветно продолжување на рокот на отплата на главницата не повеќе од три месеци.
Владата ја задолжи Развојната банка на Северна Македонија на компаниите од приложените список 1, список 3 и список 4 кои не ги склучиле договорите за кредит и не воспоставиле обезбедување да им дадат дополнителен рок од 10 дена за склучување на договорите за кредит и воспоставување на обезбедување, по што доколку не постапат ќе се смета дека се откажале од склучувањето на договорот и се бришат од списоците на одобрени кредити.
На оваа седница е разгледана и усвоена Информацијата за Програмата на економски реформи 2021-2023 година со Акциски план за реализација на препораките усвоени на Економско – финансискиот дијалог од 19 мај 2020 година, и се задолжени сите надлежни министерства и институциите одговорни за спроведување на програмата за економски реформи, да достават предлози на активности и рокови за нивна реализација преку кои ќе се исполнат Заедничките заклучоци наведени во Акцискиот план за реализација на препораките усвоени на Економско – финансискиот дијалог од 19 мај 2020 година.
Фото: Pexels
