Со изборот на најдобрите стартапи на Zagreb Connect, заврши дводневната конференција на бизнис ангели во Европа, EBAN Winter University 2016, што на 29 и 30 ноември се одржуваше во Загреб.
Прво место и награда од 20.000 евра освои словенечкиот старт-ап 45HC.com, дигитална компанија за прекуокеански пренос на товар со ефикасна логистичка мрежа. Второто место и награда од 10.000 евра освои британскиот старт-ап Gowaft, кој се занимава со иновативни начини на пренесување тешки предмети по градот. Трето место и награда од 7.000 евра доби хрватскиот старт-ап Nanodiy, кој овозможува печатење на фотографии на ткаенина.
Град Загреб додели посебна награда во вредност од 5.000 евра на хрватската онлајн платформа за пребарување, споредување и резервирање автобуски билети, Vollo. Овој старт-ап воедно освои и пат во Тел Авив, каде ќе се запознае со израелската старт-ап заедница.
TinnitusOFF, старт-ап којшто со музика сака да го реши проблемот со зуење во ушите, освои Microsoft Azure пакет во вредност од 25.000 долари.
Фото: Zagreb Connect
