Бизнис конфедерацијата на Македонија ќе го промовира проектот Туризмот се луѓето – Да работиме заедно за подобар социјален дијалог во туризмот, пишува Миа.
Главна цел на проектот е зајакнување на капацитетите на социјалните партнери за подобрување на социјалниот дијалог на национално и европско ниво.
Преку проектот треба да се зголеми свесноста на претставниците на работодавачите и работниците за важноста на овој процес во зголемувањето на вработеноста и конкурентноста на националната економија.
Проектот се фокусира на модернизација на пазарот на труд, подобрување на вештините, квалификациите и квалитетот на работата, безбедност и сигурност на работното место, пристојна работа во секторот туризам и угостителство.
Целта на настанот е да зголеми свесноста на претставниците работниците и работодавачите за важноста на овој процес кон зголемување на вработеноста и компетитивноста на националната економија. Важна фокусна точка ќе биде модернизацијата на пазарот на труд, вештините и квалификациите, квалитетот на работа, безбедност и сигурност на пазарот на работното место и пристојна работа.
На работилницата ќе присуствуваат претставници од ССМ, Министерство за економија – сектор туризам, Министерство за труд и социјална политика, Агенција за промоција и поддршка на туризмот, професор од факултетот за туризам и многу други.
Бизнис Конфедерацијата на Македонија е еден од партнерите на ЕУ проектот: Туризмот се луѓето – Заедно, за jакнење на социјалниот дијалог во секторот туризам и угостителство.
Проектот почна да се реализира од февруари годинава во Љубљана. Лидер на проектот е Здружението на Работодавачи на Словенија (ZDS) додека здруженијата на работодавачи, како и синдикатите од Македонија, Хрватска, Црна Гора и Србија се партнери во проектот.
