Увозот на работници од балканските земји имаат позитивен ефект врз германската економија, покажуваат податоците од истражувањето на Институтот за истражување на пазарот на труд.
Според податоците, 54% од вработените во рамки на правилата за вработување лица од Западен Балкан се квалификувани работници, висококвалификувани се 4%, а 42% се помошни работници.
Новата регулатива за вработување на работници од Западен Балкан е воведена во 2016 година, откако земјите од регионот се дел од листата на таканаречени безбедни земји што е скоро и невозможно жители од овие земји да бараат азил во Германија.
Во Германија, според оваа регулатива, доаѓаат помлади работници. Па така, во 2016-та и 2017-та година, 73% од работниците биле помлади од 40 години, а 86% од нив се мажи. Вкупно 44% од нив се вработени во градежниот сектор, додека 13% се во угостителство.
Фото: Freepik
