Сезонски приспособениот БДП порасна за 0,2 отсто и во еврозоната и во Европската унија во вториот квартал, во споредба со претходниот квартал, според проценката објавена од Евростат, заводот за статистика на ЕУ.
Во првиот квартал од 2024 година, БДП порасна за 0,3 отсто во двете зони.
Во споредба со истиот квартал од претходната година, сезонски прилагодениот БДП се зголеми за 0,6 отсто во еврозоната и за 0,8 отсто во ЕУ, по растот од 0,5 отсто во еврозоната и 0,7 отсто во ЕУ во првиот квартал од 2024 година.
Полска забележа највисок раст на БДП во однос на претходниот квартал (1,5 отсто), потоа Грција (1,1 отсто) и Холандија (1,0 отсто).
Најголем пад е забележан во Ирска (-1,0 отсто), Латвија (-0,9 отсто) и Австрија (-0,4 отсто).
Во текот на вториот квартал од 2024 година, БДП во Соединетите Американски Држави се зголеми за 0,7 отсто во споредба со претходниот квартал (по 0,4 отсто во првиот квартал од 2024 година). Споредено со истиот квартал од претходната година, БДП е зголемен за 3,1 отсто (по 2,9 отсто во претходниот квартал), објави Евростат.
