Размислувате за сопствен бизнис, но сепак сте неодлучни. Потребно ви е повеќе време, поточни податоци или пак можеби ја чекате потребната доза на смелост за да се впуштите во претприемачка авантура.
Успехот и неуспехот одат рака под рака, па доколку сакате да успеете треба да направите грешки, да доживеете неуспех или да научите од оние што направиле грешки.
Доколку сакате да бидете успешни, Forbes има неколку совети што ќе ви го олеснат процесот:
1. Храброст за доживување неуспех
Неуспехот е неизбежен. Ова мора да се случи еден ден, без оглед колку добро сте ја совладале деловната техника. Најуспешните луѓе ја разбираат реалноста на неуспехот и нејзината важност за постигнување успех.
2. Поставете цели
Успешните луѓе секојдневно си поставуваат цели, како на долг рок, така и на дневна основа. Пронајдете успех со консолидирање на целите што се паметни, мерливи, остварливи, реални и навремени. Поставете помали, секојдневни цели кои ќе ви помогнат да го постигнете вашиот долгорочен успех и визија.
3. Среќата не секогаш ќе ве следи
Би било премногу лесно и едноставно ако сте секогаш на вистинското место во вистинско време. Не треба да губите премногу време чекајќи го вистинскиот момент и идеја, многу од најуспешните луѓе постигнале успех со притискање и создавање на можности во вистинско време.
4. Следете го внимателно вашиот напредок
Успехот често се сведува на вашите забелешки. Обрнете внимание на наградите, однесувањето, стратегиите и тактиките. Проверувајте го вашиот напредок што е можно почесто и обрнете внимание на работите коишто ве придвижуваат напред.
5. Континуирано работење
Не чекајте да дејствувате. Успешните луѓе ја контролираат скоро секоја ситуација. Преземањето акција доведува до одговор, не дозволувајте пречките да ви го попречуваат патот додека барате адекватно решение.
6. Поширока слика на целата ситуација
Ако сакате да бидете успешни, мора да имате малку поголема слика. Обидете се да ги поврзете точките со поврзување на минатото, сегашноста и иднината.
7. Бидете внимателни
Свесноста е клучот за успехот. Ако не сте се свртеле доволно околу себе, сигурно нешто сте пропуштиле. Слушајте што другите зборат за вашата компанија, континуирано барајте повратни информации, бидете во тек со она што се случува меѓу вработените, одржувајте ги очите и ушите отворени за сите.
8. Упорност
Успешните луѓе ја контролираат скоро секоја ситуација. Неуспехот е дополнителна мотивација за нив. Развијте ја волјата за успех и напредок и покрај сите предизвици со кои се соочувате на патот.
9. Комуницирајте како професионалец
Успехот во голема мера се рефлектира во комуникацијата. Успешните луѓе ја контролираат речиси секоја ситуација. Тие не манипулираат и не создаваат притисок, но логично ве доведуваат до предност. Бидете сигурни дека комуникацијата ќе ви го олесни остварувањето на целите.
10. Останете скромни и смирени
Успехот не мора директно да доаѓа од егото. Всушност, многу успешни луѓе тоа го немаат воопшто, токму затоа што се свесни дека постојат многу фактори и дека некои неуспеси можат да бидат предизвикани од нивните сопствени недостатоци. Имајте на ум дека вие сте одговорни за секој аспект од вашиот живот, и за успехот, но и многу повеќе за неуспехот.
Фото:Freepik
