Фото: bancatransilvania.ro
Banca Transilvania, втората најголема банка во Романија, претстави часовник што може да се користи како уред за бесконтактно плаќање и ќе може да ги замени дебитните картички во земјата, пишува Romania Insider.
Часовникот е резултат на соработката со швајцарскиот производител на часовници Mondaine, технолошката компанија за дигитална безбедност Oberthur Technologies и провајдерот на финансиски услуги MasterCard.
Клиентите може да изберат една од трите верзии: Classic за жени, Classic за мажи и универзален Premium.
Часовникот функционира како банкарска картичка и на корисникот му овозможува влез во банкарската сметка без провизија. Неговата цена е околу 300 евра.
