Русија најде нов начин како тајно да продава нафта на западните земји

108

Русија најде нов начин тајно да продава нафта на западните земји кои одбија да ја купат директно по почетокот на конфликтот во Украина.

Руските танкери почнаа да транспортираат гориво до египетското пристаниште Ел Хамра, каде што подоцна може да се измеша со нафта од локално потекло. Ова го напиша Блумберг, повикувајќи се на податоци за движењето на танкери.

Според агенцијата, на пример, на 24 јули, околу 700.000 барели руска нафта биле испорачани на Ел Хамра. Подоцна, друг брод однел дел од нафтата од пристаништето, која можеби била целосно руска нафта или делумно вклучувала нафта од Русија.

До пристигнувањето на рускиот танкер, вториот брод веќе бил во пристаниште неколку дена и се оддалечил од кејот за да му дозволи на рускиот танкер да се закотви. Кога вториот брод тргнал од Ел Хамра на 28 јули, тој бил речиси целосно натоварен.

Терминалот на пристаништето Ел Хамра има шест резервоари за складирање во кои може да се сместат 1,5 милиони барели сурова нафта.

Објектот е изграден за ракување со сурова нафта произведена во западната пустина во Египет – за да може нафтата од Русија да се меша со локалната нафта, објаснува Блумберг.

Иако европските земји веќе одбиваат да купуваат руска нафта поради нејзината „токсичност“, лидерите на ЕУ успеаја да се договорат за формална забрана за увоз дури на крајот на мај.

Европа одлучи да воведе делумно ембарго (забрана) на руската нафта, што ќе влијае на две третини од руската нафта транспортирана по морски пат. Извозот на гасоводот нема да биде засегнат од мерката. Забраната ќе стапи на сила на крајот на 2022 година.