Русите открија ново наоѓалиште на нафта

196

Руската нафтена компанија Роснефт објави дека открила огромно наоѓалиште на нафта во Печорското Море кое содржи околу 82 милиони тони нафта. Компанијата наводно контролира вкупно 28 офшор дозволи на Арктикот, од кои осум во Печорското Море.

Полето е откриено благодарение на кампањата за дупчење во областа Мединско-Варандејски.

„За време на тестовите, беше добиен слободен проток на нафта со максимален проток од 220 кубни метри дневно“, се вели во соопштението на компанијата.

Роснефт истакна дека истражувачките работи во водите на Печорското Море го докажале „значајниот нафтен потенцијал на Тиман-Печорската провинција и станале основа за продолжување на проучувањето и развојот на регионот“.