„Земјите кои сакаат да добијат предност со тоа што не ја осудуваат одвратната руска војна против Украина се кусогледи и ќе се соочат со последици доколку ги поткопаат западните санкции“, изјави денеска американската министерка за финансии, Џенет Јелен.
„САД и нивните партнери“ нема да бидат рамнодушни „на акциите што ги поткопуваат сеопфатните санкции наметнати на Москва и рускиот претседател Владимир Путин поради нападот врз Украина“, предупреди таа.
Јелен изјави дека војната меѓу Русија и Украина ги променила светските економски перспективи и дека администрацијата на Бајден е решена да ја смета Русија одговорна за нејзините „застрашувачки акции“ и кршење на меѓународното право.
