САД трошат двојно повеќе на војската отколку Русија и Кина заедно

26

Глобалните воени трошоци се зголемија за 3,7 отсто во реални услови (приспособени за инфлацијата) на 2,24 милијарди долари во 2022 година, што е највисоко досега забележано од Стокхолмскиот меѓународен институт за мировни истражувања (СИПРИ).

Најголемите потрошувачи продолжија да ги зголемуваат своите воени способности, додека војната во Украина ги натера земјите од регионот да ги преиспитаат своите воени буџети.

Следствено, европските воени буџети достигнаа нивоа што не се забележани од крајот на Студената војна.

Вкупните светски воени трошоци беа 2,2 отсто од глобалниот бруто домашен производ (БДП) во 2022 година.

На САД отпаѓаат речиси 40 отсто од глобалните воени расходи, а нивните трошоци се зголемени за 0,7 отсто на 877 милијарди долари. Во оваа сума е вклучена и воената помош за Украина, која се проценува на 19,9 милијарди долари.

На второ место е Кина, чии воени трошоци растат 28-ма година по ред, а лани беа проценети на 292 милијарди долари, што е 13 отсто од вкупната светска потрошувачка.

Руската потрошувачка се зголеми за 9,2 отсто, на 86,4 милијарди долари, што е еднакво на 4,1 отсто од БДП на земјата.

Пад во Турција

Украина го направи најголемиот скок, со нејзините воени трошоци зголемени за повеќе од шест пати во споредба со 2021 година, најмногу што СИПРИ некогаш забележал. Оваа земја потрошила 44 милијарди долари или 34 отсто од БДП во првата година од руската инвазија, а во таа сума не е вклучена воената помош испорачана на оваа земја.

Воените трошоци се зголемија во четири од пет географски региони во 2022 година. Најголем пораст има во Европа (+13 отсто), проследено со Блискиот Исток (+3,2 отсто), Азија и Океанија (+2,7 отсто) и Америка (+0,3 отсто). проценти). Потрошувачката е намалена во Африка (-5,3 проценти).

Најголем единечен пад забележа Турција, со проценето намалување на воениот буџет од 26 отсто. Овој пад би можел да биде поврзан со проблемот со инфлацијата во таа земја.

Извор: /balkans.aljazeera.net