Многу компании инвестираат стотици илјади долари секоја година за да истражат што ги задржува нивните вработени и да развиваат “нивни лидери“. Луѓето се важни за водење на компанија и без совладување на вештините за разбирање на вработените, едноставно е тешко да се биде добар лидер.
Менаџерите треба да имаат разбирање за човековото однесување, а она што науката веќе го открила е дека позитивните емоции се коренот на човечката мотивација. Затоа, менаџерите мора да стекнат знаење за она што ги мотивира луѓето и ги инспирира да ја завршат својата работа брилијантно.
Вработените треба да се чувствуваат сигурно
Ова е особено важно кога започнувате нова работа или добивате нова позиција. Емотивно интелигентните лидери преку охрабрување, благодарност и позитивна афирмација ќе ја зголемат самодовербата на своите вработени. Сигурноста е основна човечка потреба и најдобрите вработени сакаат да знаат која е нивната деловна иднина.
На вработените им требаат комплименти
Менаџерите треба да се навикнат да ги фалат своите вработени кога добро ја завршуваат својата работа и кога ги поседуваат потребните вештини кои ги бара компанијата. Пофалбата е силен мотиватор за постигнување на заложбата на вработените. Истражување на Галуп откри дека вработените кои редовно добиваат комплименти имаат повисоко ниво на продуктивност, добиваат повисок рејтинг на лојалност и задоволство од клиентите и поверојатно е дека ќе останат во компанијата.
Вработените треба да се чувствуваат разбрани
Во истражувањето на Галуп, петтата најчеста грешка што ја прават менаџерите е неуспехот да ги слушаат и разбираат вработените. Кога еден менаџер не бара мислење на неговиот тим, тогаш довербата започнува да се влошува. Најдобрите лидери ги слушаат своите луѓе, нивните соништа, целите и желбите, што ги прави да се чувствуваат ценети и разбрани.
Вработените сакаат да се чувствуваат ценето
Менаџерите мора да им веруваат на своите луѓе, да им покажат почит што го заслужуваат за завршената работа. Добрите лидери покажуваат интерес за работните места и кариери на своите вработени и создаваат можности за учење и развој на своите луѓе. На менаџерите им останува да откријат што ги мотивира вработените со тоа што ќе научат за желбите на секој член на тимот и важно е да им дадат чувство дека се ценети.
Фото: Pexels
