Неисполнетиот договор на американскиот технолошки концерн Мајкрософт за апликацијата за кратко споделување видеа Тикток минатата година е „најчудната работа на која сум работел“, изјави извршниот директор на компанијата, Сатја Надела, цитиран од Блумберг.
Тогашниот американски претседател Доналд Трамп нареди Тикток да ја оддели американската верзија од кинеската матична компанија Бајтденс поради загриженост за националната безбедност при собирање податоци од американски корисници. Мајкрософт започна преговори за предложената аквизиција во август 2020 година, но договорот пропадна пред септември.
Притисокот од Трамп заврши кога ја напушти функцијата во јануари и во моментов нема потенцијален „додворувач“ за да го купи Тикток.
Говорејќи на Code Conference во Беверли Хилс, Калифорнија, Надела рече дека со нетрпение очекувал да ги донесе експертите за безбедност на Мајкрософт, безбедност на деца и облак во ТикТок.
“Беше неверојатно“, рече Надела за она што го доживеа во тоа време во сценско интервју. “Научив многу за толку многу луѓе. Прво, ТикТок дојде кај нас. Не отидовме ние кај ТикТок.
TикТок е сместен помеѓу многу работи што се случија во два главни града“, продолжи Надела. “Претседателот Трамп имаше одредена гледна точка за тоа што се обидуваше да направи таму, а потоа само си замина“.
Надела рече дека она што го привлече извршниот директор на БајтДенс, Џанг Имин во Мајкрософт, беше модерирањето на содржината и услугите за безбедност на децата на американската компанија, развиени преку производи вклучени во алатките за видео игри на ИксБокс и социјалната мрежа ЛинкдИн.
Но, на крајот, БајтДенс избра конкурентна понуда од Оракл Корп. – договор што исто така не се остварува.
БајтДенс не ја коментираше темата за Блумберг и Ројтерс.
Надела рече дека нема идеја дали САД се уште се залагаат за договор за време на мандатот на претседателот Џо Бајден. Администрацијата на Бајден соопшти дека ги разгледува загриженоста за националната безбедност. Во јуни, Белата куќа соопшти дека ја укинува забраната за ТикТок и ВиЧет.
“Во моментов сум среќен со она што го имам“, рече Надела.
Тој, исто така, изрази поддршка за поголема владина регулатива за правилата за криптовалути, што би можело да ги потисне „рансомвер“ нападите (малициозен софтвер што се користи за извлекување пари од жртвите), бидејќи откупнините во таквите напади честопати минуваат низ нетранспарентни системи.
