Шест банки во Хрватска се под истрага на Хрватска народна банка (ХНБ) за да им се докаже злоупотреба на положбата во наплата на трошоци за опомени.
“Една постапка е завршена, две банки самоиницијативно предложија мерки со кои ќе се отстранат воочените недостатоци (Привредна банка Загреб и Хипо) и со тоа ќе се заврши постапката, додека три постапки се уште се водат”, велат од ХНБ за Пословни дневник.
ПБЗ предложил на клиентите на кои им е наплатена опомена во периодот од 21 август 2008 година до 21 јули 2012 година, да им се вратат тие пари со соодветна камата. Тоа ќе го направи и Хипо банка, за периодот од средината на август 2011 година до крајот на јули 2012 година.
Банките на клиентите им ги наплаќале опомените за невратени рати од кредитите.
