Шпанија соопшти дека Европската унија треба да бара компромис и исход од преговорите со Пекинг пред клучното гласање во ЕУ за зголемување на тарифите за електричните возила.
Мадрид повика на изнаоѓање заемно прифатливо решение, објави Ројтерс.
„Наместо да воведува царини, Европската унија треба да преговара за цените, како и за преместување на производството на батерии на териториите на ЕУ“, вели шпанскиот министер за економија Карлос Куерпо во писмото до потпретседателот на Европската комисија, Валдис Домбровскис.
Членките на ЕУ се подготвуваат да гласаат за тарифите за кинеските електрични возила до 35,3 отсто, покрај стандардните увозни царини на Европската унија од 10 отсто за автомобили.
Германија и Шпанија се обидуваат да ги убедат другите земји од Европската унија да се откажат од овие мерки.
Домбровскис претходно нагласи дека ЕУ е строго против Кина да дава субвенции за своите производители, со што ќе ја спречи конкуренцијата и еднакви услови за сите.