Ова напнато и стресно време е тешко за сите нас, иако има некои социолошки толкувања кои велат дека короната донесе неколку “позитивни“ промени, како што е поминување на поголемиот дел од времето со семејството, забавување на животното темпо, трошење помалку пари. Сега кога луѓето, во голем број се “заглавени“ дома, се создаваат подобри услови за заштеда. И да посакаме, нема каде да потрошиме пари: движењето е ограничено, а рестораните, клубовите, спортски сали, трговските центри и други места, не работат.
Оние работници кои не добија отказ за време на оваа криза, кои работат од дома за редовна и полна плата, имаат добри шанси да заштедат. Речиси и да нема ненадејни трошоци, а единствените работи за кои се троши секој ден се производите за храна и хигиена.
Business Insider издвојува пет трошоци кои инаку ги имаме, а сега кога сме во самоизолација ни се оневозможени, па може да ги тргнеме на страна.
Не возиме, не трошиме за бензин
Колку често го полните резервоарот, во нормални околности? Најмалку еднаш неделно. Некои сигурно и почесто. Тука е и трошокот за паркинг. Ако сега работите од дома исто така ќе заштедите за месечен автобуски билет или дневни билети.
Може и дома
Ретко ги броиме износите на пари што ги трошиме за јадење надвор, без разлика дали се работи за пекари, ресторани или кантини на работа. Трошиме и за кафе со пријателите. Но, сега и овие трошоци ќе ги нема некое време. Иако во редовни околности, имаме време и услови да си направиме свои оброци, да ручаме или вечераме дома, многу вработени кои работат цел ден, тие едноставно не го прават тоа. Сега ги нема и трошоците за излегување за време на викендите, кино, театар и други забавни места.
Патување? Не, уште некое време
Границите на државите се претежно затворени, резервациите се откажани, луѓето седат дома, а најмногу страда туристичкиот сектор. Уште некое време нема да трошиме за патувања, но затоа ќе ги заштедиме планираните пари само за тоа.
Сам свој тренер
Поради вонредна состојба, велнес центри, салони за убавина, спортски сали и сите други објекти се затворени, ќе мора сами да правите третмани, да вежбаме дома или да се релаксирање во када. Оваа непријатност, сепак, може да има свои придобивки: ќе заштедите големи пари секој месец затоа што ве “мрзи“ да се грижите за вашата коса или за ноктите сами.
Дадилките на пауза
Многу родители работат прекувремено и не можат на време да го земат детето од градинка или училиште, а ги немаат бабите и дедовците, така што се принудени да ангажираат дадилки, за кои треба да издвојуваат голема сума пари на месечна основа. Сега кога работата од дома е воведена скоро насекаде, уште еден трошок помалку.
Фото:Pixabay
