Индустриското производство во Италија, во текот на август, забележа силен раст, дури и поголем од очекувањата, покажуваат официјалните статистички податоци.
Според тоа, индустриското производство во август порасна за 7,7% во однос на јули, кога растот беше 7%. Овие податоци се многу повисоки од очекувањата на аналитичарите, кои очекувале скромни 1,3%.
Најголем пораст, според статистиката, има производството на производи за широка потрошувачка и тоа од 6,6%, енергетскиот сектор се зголеми за 3,5%, додека производството на капитални добра надминува 4%.
Анализирани со август минатата година, индустриското производство во Италија бележи стагнација, по падот од 8,3% во текот на јули.
Фото: Freepik