CEED Hub Skopje најавува интересен и иновативен настан, Skopje Hackathon 2018, кој ќе се одржи во Јавна соба во периодот од 22 до 24 јуни. Учесниците годинава ќе се соочат со неколку предизвици за кои ќе треба да изработат иновативни и креативни решенија.
Засега е објавен само предизвикот на главниот поддржувач и организатор, CEED Hub Skopje, кој ги предизвикува учесниците да изработат маркетиншка или дигитална алатка (или стратегија) која ќе помогне да се намали пластичниот отпад во Скопје.
Најдоброто решение ќе биде наградено со едногодишно бесплатно членство во CEED клубот, кое вклучува: бизнис консултантски услуги, соработка и административни услуги, пристап до информации и други деловни услуги, пристап до едукативни и мрежни настани (околу 30 годишно), пристап до извори на финансирање, можност да се најде тим или партнер, добивање поголема видливост и промоција и секако, попуст од 10% за програмите и услугите на CEED Hub Скопје.
Покрај CEED Hub Skopje, предизвици ќе објават и другите два партнера во организацијата на Skopje Hackathon 2018, и тоа GSIX и Brainster, а целиот настан е поддржан од SwissEP Entrepreneurs in Residence програмата и порталот IT.mk.
Инаку, наа настанот учесниците ќе работат со поддршка на неколку ментори кои имаат искуство во блокчеин, вештачка интелигенција, B2B, развој на продукти итн.
Повеќе детали за настанот и агендата можат да се најдат на Фејсбук.
За да учествувате, потребно е најпрвин да се регистрирате на следниов линк.
