Социјални иновации што решаваат значајни глобални проблеми

7

Социјално свесните иноватори се вистински шампиони на глобалниот напредок, пишува Mashable.

Порталот одвои повеќе иновации коишто на генијален начин решаваат проблеми што се секојдневие на милиони луѓе ширум светот.

Maternova – облека за заштита на бремени жени од убоди од инсекти

zika obleka za bremeni zeni

Maternova е старт – ап чија иновација е насочена кон потребите на бремените жени, особено во регионите зафатени од вирусот Зика. Тие создадоа линија на облека којашто содржи средства против инсектите што го шират овој вирус. Дизајнерите тврдат дека облеката ја заштитува жената од над 40 видови на инсекти и дејствува и до 50 перења.

Чип за брза дезинфекција на вода

water-purifying-device01-1580x549

Чип во форма на црн четириаголник, што ја користи сончевата светлина за да ја прочисти водата за само 20 минути. Кога ќе се стави во вода и потоа на Сонце, реагира со двата извора на енергија и формира хидроген пероксид и други антибактериски хемикалии. За кратко време ги снемува хемикалиите, по што водата е дезинфицирана.

Aipoly – апликација што им помага на лицата со оштетен вид

aipoly

Aipoly е апликација за корисниците на iPhone, што им помага на луѓето со оштетен вид на лесен начин да идентификуваат најразлични објекти. Корисникот треба само да го насочи мобилниот телефон кон предметот или бојата, па апликацијата ќе го препознае и ќе испрати говорна порака до него.

Обвивка за храна направена од млеко

obvivka od mleko

Американскиот оддел на земјоделски истражувања создаде и разви биоразградлива обвивка за храна направена од млечни протеини. Обвивката, според проценките, е 500 пати подобра од пластичните амбалажи, бидејќи ја задржува свежината на храната.

Уред што ја следи потрошувачката на струја во домашни услови

ured za sledenje na struja

Група научници од Универзитетот Масачусетс создадоа едноставен сензор што ја следи потрошувачката на електрична енергија во домашни услови. Уредот, чија цена ќе биде околу 30 долари, се поставува на главната енергетска линија во домот.