Првата седница на македонската делегација на меѓувладината мешовита комисија за економска соработка меѓу Македонија и Унгарија, предводена од министерот за економија Ваљон Сарачини, денес и утре ќе се одржи во Будимпешта.
Мешовитата комисија ќе заседава во рамки на четирите работни групи: за развој на бизнис, соработка со мали и средни претпријатија и трговија, за енергетика, за земјоделство и индустрија и за туризам.
Во рамки на првата седница на Комисијата се очекува да бидат потпишани неколку договори за соработка меѓу двете земји. Делегацијата на Унгарија е предводена од државениот секретар за надворешна политика и надворешна трговија во Кабинетот на премиерот, Петер Сијарто, воедно претседател на унгарскиот дел на Комисијата.
За време на престојот Сарачини ќе оствари средба и со унгарскиот премиер Виктор Орбан.
