Србија ќе започне со производство на кинеска вакцина Sinopharm и руски Sputnik V до крајот на оваа година, објави претседателот Александар Вучиќ и министерот без ресор Ненад Поповиќ.
Вучиќ најави производство на кинески вакцини од Абу Даби, каде се согласи со лидерите на Обединетите Арапски Емирати (ОАЕ) за изградба на заедничка фабрика со Емирати и Кина, а производството се очекува да започне на 15 октомври. Претходно почетокот на производството на вакцината Sputnik V го објави српскиот министер без ресор Ненад Поповиќ, по разговорите со рускиот министер за индустрија и трговија Денис Мантуров, а првата фаза на производство и пакување на Sputnik V треба да започне до 20 мај .
Вучиќ рече дека јавно потпишување ќе биде организирано во рок од две недели и дека ова е целосно гринфилд проект.
“Ќе имаме големи количини вакцини за нас, но и за целиот регион, а она што го научив е дека ќе мора да му даваме вакцини на регионот затоа што фактот дека ќе излечиме или спречиме нашиот народ не е точен ако има проблем во регионот “, изјави Вучиќ.
Фото: Pixabay
