Стапува на сила забраната за плаќање над 500 евра во готово

17

Почнувајќи од утре жителите на земјава нема да можат да платат суми над 500 евра или 30.000 денари во готово.

Обврската произлегува од законот за спречување перење пари и финансирање тероризам во кој лани со посебна уредба се ограничи висината на кеш плаќањата.

Намалување на дозволената сума за плаќање во готово има за цел да ги заштити трговците и државата од пуштање во промет на пари со сомнително потекло и да се намали сивата економија.

На почетокот на годинава дозволената сума во готово се спушти од 2.000 на 1.000 евра.

Забраната ќе се однесува и за физички и за правни лица, а доколку се прекрши Законот, следуваат казни во износ од 5.000 до 80.000 евра.