Автомобилскиот гигант Stellantis ќе инвестира три милијарди ранди (160 милиони долари) во развој на нова фабрика за производство на возила во Јужна Африка со корпорацијата за индустриски развој на земјата и Одделот за трговија, индустрија и конкуренција.
Сопственикот на брендови како Alfa Romeo, Chrysler и Jeep потпиша меморандум за разбирање со јужноафриканската влада во март оваа година, пишува Bloomberg.
Проектот беше финализиран во средата на состанок на кој присуствуваа главниот оперативен директор на Stellantis за Блискиот Исток и Африка, Самир Черфан, министерот за трговија и индустрија Ебрахим Пател и претставници на IDC, се вели во соопштението на одделот за трговија.
Фабриката ќе биде изградена во специјална економска зона во близина на пристаништето Нгкура и Порт Елизабет во провинцијата Источен Кејп, каде што имаат фабрики Mercedes-Benz, Volkswagen AG, Ford Motor Co.
Фабриката Stellantis треба да биде завршена до крајот на 2024 година и може да произведува дури 90.000 единици годишно, соопштија од одделот.
Поддржана од владините стимулации, автомобилската индустрија минатата година учествуваше со 4,9 отсто од бруто домашниот производ на Јужна Африка и 12,4 отсто од извозот, при што производителите директно вработија околу 110.000 луѓе, според бројките на Automotive Business Council.
