Главниот стратег на Блумберг, Мајк Мекглон, сподели графикон на Твитер за кој рече дека покажува зошто биткоинот може да достигне 100.000 долари оваа година.
Во својот твит, Мекглон вели дека биткоинот најверојатно “ќе постигне значителен напредок во 2021 година“, потенцијално достигнувајќи ниво на цена од 100.000 американски долари.
Тој верува дека ако се случи ова „рели“, ќе биде поттикнат од минатите трендови во тргувањето со Биткоин, намалената понуда и масовното прифаќање.
Во претходниот твит оваа година, стратегот на Блумберг, исто така, спомена дека американската регулатива најверојатно нема да го попречи напредокот на Биткоин.
Мекглон постојано ја споменува важноста на дефлацијата, програмирана во Биткоин, што е поволен фактор против постојаната фиатна девалвација на американската влада и другите земји како што се Британија, Европската унија итн.
Според податоците што ги сподели платформата Arcane Research, количината на биткоини што се чуваат во резерви на крипто-берзи драстично опадна.
Во моментов понудата на BTC на берзите падна на нивоа последен пат забележани во август 2018 година. Изданието, исто така, вели дека потрошувачите активно ги повлекуваат средствата во последните два месеци.
Од 27 јули, 178.000 биткоини се преместени од местата за тргување со криптовалути.
