Во третиот квартал од 2025 година, според сезонски прилагодените податоци, Европската Унија забележа суфицит на тековната сметка од 57,3 милијарди евра, што одговара на 1,2 проценти од бруто домашниот производ, објави денес Евростат.
Суфицитот е значително помал во однос на претходниот квартал, кога изнесуваше 80,5 милијарди евра и 1,7 проценти од БДП, но и во споредба со суфицитот од 96,1 милијарди евра и 2,1 процент од БДП во третиот квартал од 2024 година.
Во споредба со вториот квартал од 2025 година, суфицитот на Европската Унија во размената на стоки е зголемен и изнесува 95,7 милијарди евра, додека суфицитот во секторот на услуги е значително намален – од 37,4 на 16,7 милијарди евра.
Дефицити во примарниот и секундарниот доход, што дополнително го намали вкупниот салдо на тековната сметка.
Во истиот период, дефицитот на капиталната сметка беше значително намален, од 19,7 на 2,2 милијарди евра, што делумно ги ублажи негативните ефекти од послабото салдо во другите компоненти на платниот биланс.
Набљудувано од главните трговски партнери, во третиот квартал ЕУ оствари најголем суфицит во размената со Велика Британија, 75,7 милијарди евра, додека значителни суфицити беа забележани и со Соединетите Американски Држави, Канада, Бразил, Јапонија и Русија.
Најголем дефицит е регистриран во трговијата со Кина и изнесува 58,3 милијарди евра.
На финансиската сметка, Европската Унија беше нето директен инвеститор кон остатокот од светот, со нето одлив од 11,1 милијарди евра, бидејќи директните инвестиции во странство растеа побрзо од странските инвестиции во Унијата.
Податоците укажуваат дека силниот трговски суфицит е сè уште клучен столб на надворешната рамнотежа на ЕУ, додека слабеењето на суфицитот кај услугите и растот на дефицитите во трансферите се главната причина за намалувањето на вкупниот суфицит во споредба со претходните периоди.
Силикот на тековната сметка на еврозоната во третиот квартал од 2025 година, според сезонски прилагодените податоци, изнесува 97,4 милијарди евра, објави денес Европската централна банка.
Вкупниот суфицит на Еврозоната во последните четири квартали изнесуваше 283 милијарди евра, што е значително помалку од 425-те милијарди евра од претходните 12 месеци.
Новите месечни податоци ќе бидат објавени на 20 јануари, а бројките за четвртиот квартал од 2025 година на 9 април.