„Светската банка подготвува пакет помош од 1,5 милијарди американски долари за воено разурната Украина, кој ќе биде поддржан со исплата на 1 милијарда долари од фондот на Агенцијата за развој за најсиромашните земји“, рече Дејвид Малпас, претседател на Светска банка.
Малпас прецизира дека овој пакет финансиска поддршка е овозможен со одлука на земјите донатори и приматели да одобрат исплата на една милијарда долари помош од Меѓународната асоцијација за развој (ИДА), пренесува Ројтерс.
Во забелешките пред пролетната сесија на Светската банка и Меѓународниот монетарен фонд следната недела, Малпас истакна дека поддршката на банката треба да и помогне на Украина да обезбеди финансирање за клучните јавни услуги, вклучително платите во болниците, пензиите и социјалните бенефиции.