Цените на акциите пораснаа на европските берзи во петокот наутро, најмногу во технолошкиот сектор бидејќи инвеститорите беа охрабрени од подобрите од очекуваните деловни резултати на Alphabet и Microsoft.
Индексот STOXX 600 на водечките европски акции порасна за 0,5 отсто во 9:30 часот, така што е на пат да добие 1,2 отсто оваа недела.
Истовремено, лондонскиот FTSE индекс зајакна за 0,64 отсто, на 8.130 поени, додека франкфуртски DAX се зголеми за 0,52 отсто, на 18.010 поени, а париски CAC за 0,30 отсто, на 8.040 поени.
Пазарите се поддржани од растот на цените на акциите во технолошкиот сектор, откако Alphabet и Microsoft синоќа објавија подобри квартални резултати од очекуваните.
Цената на акциите на Alphabet порасна во продолженото тргување, по затворањето на Волстрит, за 11 отсто, а на Мајкрософт за 4 отсто.
