Tether, најголемиот светски издавач на стабилни монети со средства од 68 милијарди долари, ќе спроведе целосна ревизија на 12 водечки сметководствени фирми за да ја подобри транспарентноста на своите резерви во USDT.
Овој потег доаѓа во време кога USDT постојано го губи уделот на пазарот по серијата откупувања во текот на изминатите неколку недели, делумно предизвикани од слабеењето на довербата по колапсот на блокчејнот Terra минатиот месец.
Tether, издавачот на стабилната монета USDT, моментално работи со сметководствена фирма со седиште на Кајманските Острови наречена MHA. Досега, тимот има подготвено само сертификати – снимка од билансот на состојба на компанијата на даден датум.
Во интервју за Euromoney, главниот директор за технологија Паоло Ардоино рече дека Tether сега работи на обезбедување сеопфатна ревизија, која, за разлика од атестовите, ќе помогне да се даде целосна слика за финансиската состојба на компанијата за одреден период.
„Мислам дека таа е една од најдобрите 12, така што не е толку лошо. Големата четворка е малку повнимателна во обезбедувањето целосна ревизија кога правилата не се јасни“, рече Ардоино, истакнувајќи дека другите конкурентни стабилни монети сè уште не исполнуваат одредени барања во овој поглед.
Tether е под притисок да биде потранспарентен во врска со резервите што го поддржуваат USDT, средство еден-на-еден врзано за американскиот долар. Поддржувачите велат дека обелоденувањето ќе им помогне на инвеститорите подобро да ги разберат потенцијалните ризици и да утврдат како ревизорите комуницираат со компанијата.
Иако Tether даде одредена јасност за своите банкари, таа остана претпазлива во однос на своите резерви USDT, повикувајќи се на доверливост. Ардоино рече дека криптовалутите сочинуваат мал дел од резервите на Tether.
Тој, исто така, рече дека Tether ги намалил своите трговски хартии од вредност од 40 милијарди долари на 15 милијарди долари во изминатите осум месеци, смирувајќи ги пазарните стравови за ризици во портфолиото на компанијата. Ардоино рече дека дел од нејзините резерви биле префрлени во хартии од вредност со рок на доспевање до три месеци.
Tether обезбедува редовно ажурирање на своите резерви и операции на њујоршката обвинителка Летиша Џејмс како дел од договорот за порамнување од 18,5 милиони долари и забраната за трговија минатиот февруари, објави Euromoney.
Стабилната монета беше под строга контрола во неделите по падот на блокчејнот од висок профил Terra во мај. Во услови на хаос, USDT на Tether привремено го загуби својот паритет во однос на доларот, паѓајќи на 0,95 долари бидејќи инвеститорите во паника ја напуштаа стабилната монета.
Ардоино тврди дека USDT практично никогаш не ја изгубил својата фиксација откако компанијата им платила на потрошувачите еквивалент од 1 долар за да го откупат нивниот USDT. Користејќи го примерот за масовно празнење на „Washington Mutual“ (најголема компанија за штедење и заеми во Соединетите држави до нејзиниот колапс во 2008 година – н.з.) за да го објасни неодамнешниот хаос, Ардоино рече:
„Во моментов има многу проблеми. Бевме подложени на стрес-тест кој не го поднесуваат ниту банките и го поминавме со леснотија. Покажавме дека во најлошото сценарио, кога имаше колапс на Terra, колапс на целиот крипто-пазар, добивавме тони барања за повлекување и ги исполнивме за неколку минути“.
„Tether купи 10% од својот имот за 48 часа и без „око да ни трепне“ можевме да направиме многу повеќе од тоа. Вкупно за 10 дена тоа беше околу 11 милијарди долари или 13% од нашите средства и сè уште немаше никакви проблеми“, додаде тој.
Вкупната пазарна капитализација на Tether опадна за повеќе од 10 милијарди долари од почетокот на мај, според CoinMarketCap.
