Јапонската компанија Тојота објави дека ќе започне со производство на електрични возила (EV) во фабрика во Чешка, со инвестиција од 680 милиони евра.
Ова ќе биде прв пат производителот на автомобили самостојно да составува електрични возила во Европа, бидејќи се стреми да ги намали емисиите на јаглерод диоксид на нула, објави Кјодо.
Тојота усвои „повеќестран пристап“ за да постигне јаглеродна неутралност, ветувајќи дека ќе донесе различни опции на пазарот – од електрични возила на батерии до хибриди и автомобили на горивни ќелии што користат водород.