Со профит од 81.417.000.000 долари, Berkshire Hathaway на милијардерот Ворен Бафет е најпрофитабилна компанија во САД, покажуваат податоците на Fortune 500.
Неговата компанија има 391.500 вработени и приходи од 254.616.000.000 долари, а овој огромен конгломерат под своја “капа“ ги има брендовите: Geico, Duracell, Fruit of the Loom, а поседува удел и во Kraft Heinz Company, American Express, Wells Fargo, The Coca – Cola Company, Bank of America и Apple. Во споредба со минатата година, профитот на компанијата на Бафет е зголемен за 1924,8%.
Втора најпрофитабилна е производителот на iPhone. Профитот на Apple е 55.256.000.000 долари, а приходите се на ниво од 260.174.000.000 долари. Профитот на Apple оваа година е намален за 7,2% во однос на лани. Зад нејзе е Microsoft на Бил Гејтс со профит “тежок“ 39.240.000.000 долари и приходи од 125.843.000.000 долари. Над 136% е поголем профитот на Microsoft годинава во споредба со лани.
Петорката најпрофитабилни ја заокружуваат JPMorgan Chase со профит од 36.431.000.000 долари и Alphabet (сопственикот на Google), so 34.434.000.000 долари.
Меѓу 10-те најпрофитабилни компании во САД за оваа година се и: Bank of America (27.430.000.000 долари профит), Intel (21.048.000.000 долари), Wells Fargo (19.549.000.000 долари), Citigroup (19.401.000.000 долари) и Verizon Communications (19.265.000.000 долари).
Фото: Freepik
