Акциите на Комерцијална банка беа најтргувани на официјалниот пазар на Македонска берза во мај, покажува Месечниот статистички билтен. Со акциите на Комерцијална банка се направени 472 трансакции, што е 45,87% учество во вкупниот промет.
Со 198 трансакции и 14,88% учество во вкупниот промет, на второ место се акциите на Алкалоид, додека зад нив се оние на Макпетрол со 122 реализирани трансакции.
Меѓу петте најтргувани акции се најдоа и оние на Македонијатурист (78 трансакции) и НЛБ Банка (78 трансакции).
Во текот на минатиот месец, најголем пораст имаа акциите на: Тутунски комбинат Прилеп (61,29%), Макстил (36,23%), РЖ Услуги (12,43%) и Окта (9,32%).
Од друга страна, најголем пад имаа акциите на: Адинг (-15,60%), Скопски пазар Скопје (-13,69%), Бетон (-11,04%), Реплек (-5,97%)и Фершпед (-2,79%).
Фото: Pexels
