Поранешниот претседател на САД, Доналд Трамп, кој повторно се кандидира за функцијата на ноемвриските избори, најави нова платформа за криптовалути „The Defiant Ones“.
Името е игра на зборови бидејќи може да се чита како „пркосен“, додека DeFi е популарен акроним за децентрализирани финансии.
Трамп оваа информација ја сподели со своите 7,5 милиони следбеници на мрежата „Truth Social“.
„Предолго, просечниот Американец беше под притисок од големите банки и финансиските елити. Време е да заземеме став – заедно“, напиша Трамп.
За неколку минути, неговиот син Доналд Трамп Џуниор ја сподели објавата со своите 12 милиони следбеници на Твитер.
Објавата на Трамп вклучуваше линк до каналот Телеграм наречен „The Defiant Ones“, кој имаше околу 29.000 следбеници од четвртокот наутро, објави CNBC.
Доналд Трамп ја поддржа индустријата за криптовалути неколку пати во неговата претседателска кампања.
