Пред три години, Капитол Мол ги отвори вратите за сите со цел да ги задоволи разновидните вкусови на своите посетители. Во топол амбиент заштитен од надворешните временски улови во сите сезони, посетителите можат со сигурност да уживаат во шопингот кој го нудат бројните продавници во центарот.
Прославувајќи три години присуство на македонскиот пазар, скопскиот трговски центар Капитол Мол ќе го одбележи својот трети роденден со тридневна програма за своите потрошувачи. Започнувајќи од 10.12.2016, сабота, до 12.12.2016, понеделник, ќе биде организирана тридневна забава, насловена како „3 level party“, исполнета со бројни изненадувања и уживања. Капитол Мол е лоциран во Општина Аеродром, на површина од 12.500 м2 наменети за шопинг и целодневно уживање на целото семејство. На три ката ќе се организираат низа активности меѓу кои и настапи на Brass Brothers и Sarah Macе, ДЈ Панчо и Димитар Андоновски. Покрај одличниот репертоар на македонска музика во шопинг молот, ќе настапат и Dј Кире, Dј Мац и DJ Синиша, а како дополнување на музичката синергија се и многубројните изненадувања кои ќе бидат дел од одбележувањето на роденденот заедно со посетителите.
Роденденската прослава содржи 3 дена роденденски попусти во продавниците. За најмалите подготвивме богата програма, во чии рамки во сабота ќе пееме и танцуваме и ќе бидеме креативни на работилница како старт на роденденскиот предизвик на молот, за изработка на роденденски честитки за Капитол мол. Најубавите ќе бидат наградени на 12.12. (понеделник), кој ќе биде ден за наградување и дарување. Во недела и понеделник ќе се одржат и детски натпревари во куглање, спортски активности, дружење со Академијата Вардар, ќе има школа за англиски јазик и музичка едукација, работилници, аниматори и жонглери, стои во соопштението.
