Фото: Pixabay
Чести расправии, тешко донесување на одлуки, недостаток од креативност, лоша комуникација… просто невозможно е да не се соочите со некој од овие проблеми кога сте дел од еден тим.
Без разлика дали сте тим лидер или само член посакувате што полесно и поефикасно да функционирате како една целина.
Еве неколку решенија за трите најчести проблеми во тимот.
Недостаток на мотивација и интерес
Недостатокот на комуникација и интерперсонални вештини придонесува за ниска мотивација. Овој проблем најчесто се јавува ако не е поставен конкретен предизвик и не постои никаква очигледна награда.
Можни решенија:
- Воспоставете или подобрете го системот на наградување на тимот како целина
- Давајте позитивен фидбек и поддршка
- Дајте им повеќе одговорности на членовите на тимот
- Покажете дека нивната работа влијае на цела компанија
Тешко/слабо решавање на (конструктивни) конфликти
Тука најчесто лидерот не покажува доволно моќ и авторитет, па секој се води од личниот интерес.
Можни решенија:
- Поттикнете ги членовите на тимот да ги решат меѓусебните проблеми за истите да не влијаат на работата
- Покажете им дека ако не соработуваат нема да останат во тимот
- Преиспитајте ја својата методологија на управување
- Помогнете му на тимот да биде отворен за фидбек и конструктивни расправии
Ниско ниво на продуктивност
Најчеста причина за овој проблем е недостаток на комуникација и нејасно поставени цели.
Можни решенија:
- Давајте му на тимот соодветен фидбек за секој постигнат резултат
- Потсетувајте го тимот за нивната цел и одговорностите
- Јасно кажувајте ги своите очекувања од тимот
- Пружете соодветни тренинзи и обуки за секој член.
