Цените на нафтата во четвртокот на меѓународните пазари се задржаа на близу 90 долари за барел, бидејќи инвеститорите се загрижени поради падот на кинескиот извоз, што ги засени најавите за намалени испораки од Саудиска Арабија и Русија.
Цената на барел сурова нафта од типот „брент“ утринава се движи околу 89,8 долари, додека барел американски „ВТИ“ 86,6 долари, објави порталот „ОилПрајс“.
Трговците оваа недела беа затечени од најавата на Саудиска Арабија дека ќе ја намали понудата за еден милион барели дневно до крајот на годината. Очекуваа да ја продолжат одлуката за намалена понуда до крајот на октомври, пишува Мина. А Русија најави дека ќе го намали извозот до крајот на годината, за 300.000 барели дневно.
Двата водечки извозници на тој начин ќе пласираат помалку барели на пазарот покрај договорот на Организацијата на земјите извознички на нафта (ОПЕК) и нејзините сојузници за намалување на производството до крајот на следната година.
Цената е поддржана и од падот на залихите на нафта во Соединетите Американски Држави (САД) минатата недела, за 5,5 милиони барели, според проценките на извори кои се повикуваат на извештајот на Американскиот институт за нафта (API), објавен ден подоцна, во средата. , поради празникот почеток на неделата.
Расположението на пазарот го намалија податоците за падот на кинескиот извоз во август, четврти месец по ред, поради слабата странска побарувачка во услови на зголемени каматни стапки и трговски спорови со САД.
