Според податоците на веб-страницата OilPrice во саботата наутро, цената на нафтата од типот брент изнесува 90,65 долари за барел, додека нафтата од Тексас WTI, референтната за американскиот пазар, е 87,51 долар.
Цените на нафтата се стабилизираа нешто над 90 долари во петокот, бидејќи најавите на Саудиска Арабија и Русија за намалена понуда до крајот на годината ги надминаа знаците за слабост на кинеската економија.
Фокусот на пазарот оваа недела флуктуираше помеѓу најавите за намалена понуда од Саудиска Арабија и Русија и знаците на слабост на кинеската економија.
Саудиска Арабија планира да ја намали понудата за 1 милион барели дневно до крајот на годината, што ги изненади трговците кои шпекулираа дека само ќе ја продолжи одлуката за намалување на испораките до крајот на октомври, пренесува Мина.
Русија се надоврза со одлуката со која се предвидува намалување на извозот до крајот на годината за 300.000 барели дневно.
„На Саудијците веројатно им е тешко да избегнат пад на цените доколку одлучат да го обноват производството на крајот на годината“, забележуваат аналитичарите на Комерцбанк во белешката.
