Цените на нафтата во понеделникот на меѓународните пазари остана блиску до нивото од 91 долар, балансирајќи помеѓу најавите на Саудиска Арабија и Русија дека ќе ја намалат понудата до крајот на годината и знаците за забавување на кинеската економија.
На лондонскиот пазар цената на барелот по пладне беше речиси непроменета во однос на крајот на тргувањето на крајот на минатата недела и изнесуваше 90,84 долари. Позначителни промени немаше ниту на американскиот пазар каде барелот се тргуваше по 87,49 долари.
Утрово Брент се тргува по цена од 90,93 долари за барел, а американската WTI се тргува по цена од 87,66 долари за барел.
Минатата недела пазарите се балансираа меѓу најавите на Саудиска Арабија и Русија дека ќе ја намалат понудата за вкупно 1,3 милиони барели дневно до крајот на годината и знаците за забавување на кинеската економија поради слабата странска и домашна побарувачка.
Во фокусот на трговците оваа недела ќе бидат податоците за инфлацијата во САД во август и седницата на Европската централна банка (ЕЦБ). И американската ФЕД и ЕЦБ нагло ги зголемија каматните стапки од минатото лето за да ја ограничат инфлацијата, која го попречи економскиот раст.
