Од први март оваа година, ТТК Банка АД Скопје почнува да врши исплата на пензиите на први во месецот за пензионерите кои ја примаат својата пензија од Фондот за пензиско и инвалидско осигурување на Македонија (ПИОМ), на нивната денарска трансакциска сметка во ТТК Банка АД Скопје, стои во соопштението.
Доколку први е неработен ден (викенд или празник), исплатата ќе се врши на првиот работен ден во месецот.
Како приматели на пензија на сметка преку ТТК Банка АД Скопје, корисниците имаат можност да користат низа поволности: бесплатна Visa дебитна картичка со која може да се подигне пензијата, дозволено пречекорување до две пензии, Премиум смарт потрошувачки кредит со фиксна каматна стапка од 5,5% годишно во првата година, Visa Classic кредитна картичка до 0% камата во првата година и 24/7 бесплатен пристап и увид во трансакциската сметка, користејќи ги услугите на електронско и мобилно банкарство на ТТК Банка АД Скопје, како и можност за плаќање преку Интернет.
